2016 جىلعى 22 قاڭتار, استانا قالاسى
ءتيىستى دەڭگەيدەگى ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى
اسكەري وقۋ ورىندارىنا وقۋعا قابىلداۋ قاعيدالارىن بەكىتۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 9) تارماقشاسىنا سايكەس بۇيىرامىن:
1. قوسا بەرىلىپ وتىرعان ءتيىستى دەڭگەيدەگى ءبىلىم بەرۋ باعدارلامالارىن ىسكە اسىرىپ جاتقان قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىنا وقۋعا قابىلداۋ قاعيدالارى بەكىتىلسىن.
2. قازاقستان رەسپۋبليكاسى قورعانىس مينيسترلىگى ءبىلىم جانە عىلىم دەپارتامەنتىنىڭ باستىعى:
1) وسى بۇيرىقتى زاڭنامادا بەلگىلەنگەن تارتىپپەن مەملەكەتتىك تىركەۋ ءۇشىن قازاقستان رەسپۋبليكاسىنىڭ ادىلەت مينيسترلىگىنە جولداسىن;
2) وسى بۇيرىقتىڭ كوشىرمەسىن مەملەكەتتىك تىركەلگەننەن كەيىن كۇنتىزبەلىك ون كۇن ىشىندە رەسمي جاريالاۋ ءۇشىن مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە جولداسىن;
3) وسى بۇيرىقتى رەسمي جاريالانعاننان كەيىن قازاقستان رەسپۋبليكاسى قورعانىس مينيسترلىگىنىڭ رەسمي ينتەرنەت-رەسۋرسىنا ورنالاستىرسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى قورعانىس ءمينيسترىنىڭ ورىنباسارى گەنەرال-مايور ت.س. مۇحتاروۆقا جۇكتەلسىن.
4. بۇيرىق لاۋازىمدى ادامدارعا, ولارعا قاتىستى بولىگىندە جەتكىزىلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ قورعانىس ءمينيسترى ي.تاسماعامبەتوۆ
قازاقستان رەسپۋبليكاسى قورعانىس ءمينيسترىنىڭ
2016 جىلعى 22 قاڭتارداعى № 35 بۇيرىعىنا 1-قوسىمشا
ءتيىستى دەڭگەيدەگى ءبىلىم بەرۋ باعدارلامالارىن ىسكە اسىراتىن قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىنا وقۋعا قابىلداۋ قاعيدالارى
1. جالپى ەرەجەلەر
1. وسى ءتيىستى دەڭگەيدەگى ءبىلىم بەرۋ باعدارلامالارىن ىسكە اسىراتىن قازاقستان رەسپۋبليكاسىنىڭ قورعانىس مينيسترلىگىنە (بۇدان ءارى – قر قم) ۆەدومستۆولىق باعىنىستى اسكەري وقۋ ورىندارىنا وقۋعا قابىلداۋ قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى, «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» 2005 جىلعى 7 قاڭتارداعى, «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسىنىڭ زاڭدارىنا سايكەس ازىرلەندى جانە ءتيىستى دەڭگەيدەگى ءبىلىم بەرۋ باعدارلامالارىن ىسكە اسىراتىن قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىنا وقۋعا قابىلداۋ ءتارتىبىن ايقىندايدى.
2. جالپى ورتا ءبىلىمنىڭ جالپى ءبىلىم بەرۋ باعدارلامالارىن ىسكە اسىراتىن
اسكەري وقۋ ورىندارىنا وقۋعا قابىلداۋ ءتارتىبى
§ 1 پاراگراف. جالپى ورتا ءبىلىمنىڭ جالپى ءبىلىم بەرۋ باعدارلامالارىن ىسكە اسىراتىن
اسكەري وقۋ ورىندارىنا وقۋعا كانديداتتاردى ىرىكتەۋ ءتارتىبى
2. جالپى ورتا ءبىلىمنىڭ جالپى ءبىلىم بەرۋ باعدارلامالارىن ىسكە اسىراتىن قر قم-عا ۆەدومستۆولىق باعىنىستى اسكەري وقۋ ورىندارى – «جاس ۇلان» رەسپۋبليكالىق مەكتەپتەرىنە (بۇدان ءارى – مەكتەپتەر) وقۋعا تۇسەتىن جىلى ون بەس جاستان جاس ەمەس, وقۋعا تۇسەتىن جىلى ورتا ءبىلىم بەرەتىن ۇيىمنىڭ 9 (10) سىنىبىن اياقتاعان جانە نەگىزگى ورتا ءبىلىمى تۋرالى كۋالىك العان قازاقستان رەسپۋبليكاسىنىڭ ءجاسوسپىرىم ازاماتتارى قابىلدانادى.
قابىلداۋ قر قم-نىڭ ءبىلىم جانە عىلىم دەپارتامەنتى (بۇدان ءارى – بعد) ازىرلەيتىن وقۋعا قابىلداۋ جوسپارىنا سايكەس جۇزەگە اسىرىلادى.
§ 2 پاراگراف. جالپى ورتا ءبىلىمنىڭ جالپى ءبىلىم بەرۋ باعدارلامالارىن ىسكە اسىراتىن
اسكەري وقۋ ورىندارىنا قۇجاتتاردى ۇسىنۋ ءتارتىبى
مەكتەپكە ءتۇسۋشى قابىلداۋ جىلىنىڭ 5 – 15 تامىزىن قوسا العانداعى كەزەڭدە اتا-انالارىمەن (قامقورشىلارىمەن, زاڭدى وكىلدەرىمەن) كەلەدى, ولار قابىلداۋ تۋرالى ءوتىنىش بەرەدى جانە وسى قاعيدالارعا 1-قوسىمشاعا سايكەس مەكتەپكە تۇسۋشىلەرگە ۇسىنىلاتىن قۇجاتتار تىزبەسىندە كورسەتىلگەن قۇجاتتاردى قوسا تىركەيدى.
قابىلداۋ كوميسسياسىنا تولىق قۇجاتتار تىزبەسىن ۇسىنباعان وقۋعا تۇسۋشىلەر قابىلداۋعا جىبەرىلمەيدى.
4. جەتىم بالالار جانە ولاردىڭ اتا-انا قۇقىقتارىنىڭ شەكتەلۋىنە نەمەسە ودان ايىرىلۋىنا, اتا-انالارىنىڭ حابارسىز كەتتى دەپ تانىلۋىنا, ولاردىڭ قايتىس بولدى دەپ جاريالانۋىنا, ەڭبەككە جارامسىز (شەكتەۋلى ەڭبەككە جارامدى) دەپ تانىلۋىنا, اتا-اناسىنىڭ باس بوستاندىعىنان ايىرۋ ورىندارىندا جازاسىن وتەۋىنە, اتا-اناسىنىڭ بالانى تاربيەلەۋدەن نەمەسە ونىڭ قۇقىقتارى مەن مۇددەلەرىن قورعاۋدان باس تارتۋىنا, ونىڭ ىشىندە اتا-اناسىنىڭ ءوز بالاسىن تاربيەلەۋ نەمەسە ەمدەۋ مەكەمەلەرىنەن الۋدان باس تارتقانىنا بايلانىستى اتا-اناسىنىڭ بىرەۋىنىڭ نەمەسە ەكەۋىنىڭ دە قامقورلىعىنسىز قالعان بالالار, سونداي-اق اتا-انا قامقورلىعىنىڭ بولماۋىنىڭ وزگە دە جاعدايلارىندا قوسىمشا وسى قاعيدالارعا 2-قوسىمشاعا سايكەس اتا-انا قامقورلىعىنىڭ بولماۋى دايەگىن راستايتىن كۇجاتتاردىڭ ءبىرىنىڭ تۇپنۇسقاسىن جانە ونىڭ كوشىرمەسىن ۇسىنادى.
5. اسكەري قىزمەتشىلەردىڭ بالالارى قوسىمشا اتا-اناسىنىڭ اسكەري قىزمەتشى رەتىندەگى مارتەبەسىن راستايتىن كۇجاتتاردىڭ ءبىرىن وسى قاعيدالارعا 3-قوسىمشاعا سايكەس ۇسىنادى.
6. مەكتەپكە قابىلداۋ قابىلداۋ جىلىنىڭ 15 – 26 تامىزىن قوسا العانداعى كەزەڭىندە كونكۋرستىق نەگىزدە مىناداي ءتورت كەزەڭدە جۇزەگە اسىرىلادى:
1) ءى كەزەڭ – كاسىبي-پسيحولوگيالىق ىرىكتەۋ;
2) ءىى كەزەڭ – «جالپى ءبىلىم بەرۋ ۇيىمدارىنا ارنالعان جالپى ءبىلىم بەرەتىن پاندەردىڭ, تاڭداۋ كۋرستارىنىڭ جانە فاكۋلتاتيۆتەردىڭ ۇلگىلىك وقۋ باعدارلامالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 3 ساۋىردەگى № 115 بۇيرىعىنا سايكەس (نورماتيۆتىك-قۇقىقتىق اكتىلەردى مەملەكەتتىك تىركەۋ تىزىلىمىندە № 8424 بولىپ تىركەلگەن) ايقىندالعان نورماتيۆتەر بويىنشا دەنە دايىندىعىن تەكسەرۋ;
3) ءىىى كەزەڭ – «قازاقستان رەسپۋبليكاسى قارۋلى كۇشتەرىندە اسكەري-دارىگەرلىك ساراپتامالار جۇرگىزۋ قاعيدالارىن جانە اسكەري-دارىگەرلىك ساراپتاما ورگاندارى تۋرالى ەرەجەلەردى بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2015 جىلعى 2 شىلدەدەگى № 373 بۇيرىعىنا سايكەس (بۇدان ءارى – اسكەري-دارىگەرلىك ساراپتامانى جۇرگىزۋ قاعيدالارى) مەديتسينالىق كۋالاندىرۋ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11846 بولىپ تىركەلگەن);
4) IV كەزەڭ – كونكۋرستىق ىرىكتەۋ جانە وقۋعا قابىلداۋ.
7. قابىلداۋدىڭ ءاربىر كەزەڭىنەن تەك ءبىر رەت وتۋگە جول بەرىلەدى. الدىڭعى كەزەڭنەن وتپەگەن وقۋعا ءتۇسۋشى كەلەسى كەزەڭگە جىبەرىلمەيدى.
8. وقۋعا تۇسۋشىلەردى كاسىبي-پسيحولوگيالىق ىرىكتەۋ ۋاجدەمەلىلىك, كۇيزەلىسكە توزىمدىلىك, سىنشىلدىق جانە لوگيكالىق ويلاۋ دەڭگەيىن تەكسەرۋدى قامتيدى جانە ونى قابىلداۋ كوميسسياسى مەكتەپتىڭ تاربيە جانە يدەولوگيالىق جۇمىستار بولىمىمەن بىرلەسىپ جۇرگىزەدى. كاسىبي-پسيحولوگيالىق تەستىلەۋ ناتيجەلەرى بويىنشا ۇسىنىلماعان وقۋعا تۇسۋشىلەر كەزەڭنەن وتپەگەن بولىپ سانالادى.
9. وقۋعا تۇسۋشىلەردىڭ دەنە دايىندىعىن تەكسەرۋ قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 3 ساۋىردەگى № 115 بۇيرىعىمەن بەكىتىلگەن جالپى ءبىلىم بەرۋ ۇيىمدارىنا ارنالعان جالپى ءبىلىم بەرەتىن پاندەردىڭ, تاڭداۋ كۋرستارىنىڭ جانە فاكۋلتاتيۆتەردىڭ ۇلگىلىك وقۋ باعدارلامالارىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8424 بولىپ تىركەلگەن) دەنە تاربيەسى بويىنشا نورماتيۆتەردى قابىلداۋدى قامتيدى.
§ 3 پاراگراف. جالپى ورتا ءبىلىمنىڭ جالپى ءبىلىم بەرۋ باعدارلامالارىن ىسكە اسىراتىن
اسكەري وقۋ ورىندارىنا قابىلداۋ ءتارتىبى
10. كونكۋرستىق ىرىكتەۋ ەڭ جوعارى جانە ەڭ تومەنگى رەيتينگىلىك بالعا دەيىن وقۋعا تۇسۋشىلەردىڭ رەيتينگىسىن جاساۋدى قامتيدى جانە ونى قابىلداۋ كوميسسياسى وقۋعا قابىلداۋ جىلىنىڭ 25 تامىزىندا جۇرگىزەدى. مەكتەپكە رەيتينگتە ءبىرىنشى نومىردەن باستاپ قابىلداۋ جوسپارى بويىنشا بولىنگەن ورىندار سانىنا سايكەس كەلەتىن نومىرگە دەيىن تۇرعان وقۋعا
تۇسۋشىلەر قابىلدانادى. قابىلداۋ كوميسسياسىنىڭ شەشىمى مەكتەپتىڭ باقىلاۋ-وتكىزۋ پۋنكتىندە وقۋعا ءتۇسۋ جىلىنىڭ 26 تامىزىندا ساعات 10.00-گە دەيىن ىلىنەدى.
وقۋعا قابىلداۋ تۋرالى قابىلداۋ كوميسسياسىنىڭ شەشىمى نەگىزىندە مەكتەپتىڭ كادرلار ءبولىمى قابىلداۋ جىلىنىڭ 26 تامىزىندا مەكتەپ باستىعىنىڭ بۇيرىعىن شىعارادى.
11. اسكەري قىزمەتشىلەردىڭ, اسكەري قىزمەت مىندەتتەرىن ورىنداۋ كەزىندە قازا تاپقان نەمەسە مۇگەدەكتىك العان, قىزمەت وتكەرۋ ۋاقىتىندا حابار-وشارسىز كەتكەن اسكەري قىزمەتشىلەردىڭ بالالارى مەكتەپكە كونكۋرستان تىس قابىلداۋ قۇقىعىن پايدالانادى.
12. بعد مەكتەپكە رەيتينگىلىك بالدى ەسەپتەۋ كەستەسىن وقۋعا قابىلداۋ جىلىنىڭ 15 تامىزىنا دەيىن جولدايدى.
13. قازاقستان رەسپۋبليكاسى قورعانىس مينيسترلىگى اسكەري وقۋ ورىندارىنىڭ باستىقتارى جانە قازاقستان رەسپۋبليكاسى قورعانىس مينيسترلىگى سپورت كوميتەتىنىڭ توراعاسى – ارميا ورتالىق سپورت كلۋبىنىڭ باستىعى وقۋعا قابىلداۋ جىلىنىڭ 1 ماۋسىمىنا دەيىن بعد-عا وقۋعا قابىلداۋ جىلىنىڭ
1 شىلدەسىنە دەيىن بەكىتىلەتىن قابىلداۋ كوميسسياسىنىڭ قۇرامىن بەكىتۋ تۋرالى قازاقستان رەسپۋبليكاسى قورعانىس ءمينيسترى بۇيرىعىنىڭ جوباسىنا قوسۋ ءۇشىن ءوز وكىلدەرى جونىندەگى مالىمەتتەردى ۇسىنادى.
14. مەكتەپ باستىعى قابىلداۋ كوميسسياسىنىڭ توراعاسى, مەكتەپ باستىعىنىڭ وقۋ جۇمىسى جونىندەگى ورىنباسارى توراعانىڭ ورىنباسارى بولىپ تابىلادى.
15. قابىلداۋ كوميسسياسىنىڭ قۇرامى كوميسسيا مۇشەلەرىنىڭ تاق سانىنان تۇرادى. شەشىم قابىلداۋ كوميسسيا مۇشەلەرىنىڭ جالپى سانىنىڭ قاراپايىم كوپشىلىك داۋىس بەرۋىمەن قابىلدانادى.
داۋىستار تەڭ بولعان جاعدايدا قابىلداۋ كوميسسياسى توراعاسىنىڭ داۋىسى شەشۋشى بولىپ تابىلادى.
16. قابىلداۋ كوميسسياسىنىڭ وتىرىستارى قابىلداۋ كوميسسياسى توراعاسى بەكىتەتىن جۇمىس جوسپارىنا سايكەس وتكىزىلەدى جانە حاتتامالارمەن رەسىمدەلەدى.
17. قابىلداۋ كەزەڭىنەن ءوتۋ ناتيجەسىمەن كەلىسپەگەن وقۋعا ءتۇسۋشى سول كۇنى قابىلداۋ كوميسسياسىنىڭ توراعاسىنا جازباشا ءوتىنىش جازادى.
حاتتامامەن رەسىمدەلگەن ءوتىنىش ءمانى جونىندەگى قابىلداۋ كوميسسياسىنىڭ شەشىمى ءوتىنىش كەلىپ تۇسكەن كۇننەن باستاپ 1 كۇنتىزبەلىك كۇن ىشىندە شىعارىلادى.
18. وقۋعا قابىلداۋ نەمەسە قابىلداۋدان باس تارتۋ تۋرالى قابىلداۋ كوميسسياسىنىڭ شەشىمى وقۋعا قابىلداۋ جىلىنىڭ 30 تامىزىنا دەيىن وقۋعا تۇسكەندەردىڭ ساۋالنامالىق دەرەكتەرىن كورسەتە وتىرىپ بعد-عا ۇسىنىلادى.
3. تەحنيكالىق جانە كاسىپتىك ءبىلىمنىڭ جالپى ءبىلىم بەرۋ
باعدارلامالارىن ىسكە اسىراتىن اسكەري وقۋ ورنىنا وقۋعا قابىلداۋ ءتارتىبى
§ 1 پاراگراف. تەحنيكالىق جانە كاسىپتىك ءبىلىمنىڭ جالپى ءبىلىم بەرۋ باعدارلامالارىن ىسكە اسىراتىن اسكەري وقۋ ورنىنا وقۋعا كانديداتتاردى ىرىكتەۋ ءتارتىبى
19. تەحنيكالىق جانە كاسىپتىك ءبىلىمنىڭ وقۋ باعدارلامالارىن ىسكە اسىراتىن قر قم-عا ۆەدومستۆولىق باعىنىستى اسكەري وقۋ ورنى – قازاقستان رەسپۋبليكاسى قورعانىس مينيسترلىگىنىڭ ش. ءۋاليحانوۆ اتىنداعى كادەت كورپۋسىنا (بۇدان ءارى – كادەت كورپۋسى):
1) اسكەري قىزمەت وتكەرمەگەن, وقۋعا تۇسەتىن جىلى ون جەتى جاسقا تولعان, بىراق جيىرما ءبىر جاستان ۇلكەن ەمەس ازاماتتار;
2) اسكەري قىزمەت وتكەرگەن ازاماتتار جانە وقۋعا تۇسەتىن جىلى جيىرما ءتورت جاسقا تولعانعا دەيىن مەرزىمدى اسكەري قىزمەت وتكەرىپ جاتقان اسكەري قىزمەتشىلەر;
3) جيىرما بەس جاسقا تولعانعا دەيىن كەلىسىمشارت بويىنشا اسكەري قىزمەت وتكەرەتىن اسكەري قىزمەتشىلەر وقۋعا تۇسەدى.
20. وقۋعا تۇسۋشىلەر كادەت كورپۋسىنىڭ قابىلداۋ كوميسسياسىنا وسى قاعيدالارعا 4-قوسىمشاعا سايكەس قۇجاتتار تىزبەسىن ۇسىنادى.
قابىلداۋ كوميسسياسىنا تولىق قۇجاتتار تىزبەسىن ۇسىنباعان وقۋعا تۇسۋشىلەر قابىلداۋعا جىبەرىلمەيدى.
21. جەتىم بالالار جانە ولاردىڭ اتا-انا قۇقىقتارىنىڭ شەكتەلۋىنە نەمەسە ودان ايىرىلۋىنا, اتا-انالارىنىڭ حابارسىز كەتتى دەپ تانىلۋىنا, ولاردىڭ قايتىس بولدى دەپ تۋرالى جاريالانۋىنا, ەڭبەككە جارامسىز (شەكتەۋلى ەڭبەككە جارامدى) دەپ تانىلۋىنا, اتا-اناسىنىڭ باس بوستاندىعىنان ايىرۋ ورىندارىندا جازاسىن وتەۋىنە, اتا-اناسىنىڭ بالانى تاربيەلەۋدەن نەمەسە ونىڭ قۇقىقتارى مەن مۇددەلەرىن قورعاۋدان باس تارتۋىنا, ونىڭ ىشىندە
اتا-اناسىنىڭ ءوز بالاسىن تاربيەلەۋ نەمەسە ەمدەۋ مەكەمەلەرىنەن الۋدان باس تارتقانىنا بايلانىستى اتا-اناسىنىڭ بىرەۋىنىڭ نەمەسە ەكەۋىنىڭ دە قامقورلىعىنسىز قالعان بالالار, سونداي-اق اتا-انا قامقورلىعىنىڭ بولماۋىنىڭ وزگە دە جاعدايلارىندا قوسىمشا وسى قاعيدالارعا 2-قوسىمشاعا سايكەس اتا-انا قامقورلىعىنىڭ بولماۋى دايەگىن راستايتىن كۇجاتتاردىڭ ءبىرىنىڭ تۇپنۇسقاسىن جانە ونىڭ كوشىرمەسىن ۇسىنادى.
22. اسكەري قىزمەتشىلەردىڭ بالالارى قوسىمشا اتا-اناسىنىڭ اسكەري قىزمەتشى رەتىندەگى مارتەبەسىن راستايتىن كۇجاتتاردىڭ ءبىرىن وسى قاعيدالارعا 3-قوسىمشاعا سايكەس ۇسىنادى.
§ 2 پاراگراف. تەحنيكالىق جانە كاسىپتىك ءبىلىمنىڭ جالپى ءبىلىم بەرۋ باعدارلامالارىن
ىسكە اسىراتىن اسكەري وقۋ ورنىنا قابىلداۋ ءۇشىن قۇجاتتاردى ۇسىنۋ ءتارتىبى
23. اسكەري قىزمەتشىلەر تاراپىنان وقۋعا ءتۇسۋشى كادەت كورپۋسىنا وقۋعا ءتۇسۋ ءۇشىن قابىلداۋ جىلىنىڭ 1 ماۋسىمىنا دەيىن اسكەري ءبولىم كومانديرىنىڭ اتىنا قابىلداۋ جىلىنىڭ 1 شىلدەسىنە دەيىن وعان وقۋ دەمالىسىن بەرۋ تۋرالى بايانات جازادى.
اسكەري ءبولىمنىڭ كومانديرى «قازاقستان رەسپۋبليكاسىنىڭ ۇلتتىق قاۋىپسىزدىك ورگاندارى تۋرالى» 1995 جىلعى 12 جەلتوقسانداعى قازاقستان رەسپۋبليكاسىنىڭ زاڭى (بۇدان ءارى – قر ۇقو تۋرالى زاڭ) 12-بابىنىڭ
7) تارماقشاسىنا سايكەس ارنايى تەكسەرۋ جانە اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋدان ءوتۋ جونىندەگى جۇمىستى ۇيىمداستىرادى.
ارنايى تەكسەرۋدەن وتكەن, دەنساۋلىق جاعدايى بويىنشا وقۋعا جارامدى, ۇلگەرىمنىڭ كەمىندە 3.5 ورتاشا بالى بار ءبىلىمى تۋرالى قۇجاتى بار وقۋعا تۇسۋشىلەرگە وقۋ دەمالىسى بەرىلەدى جانە ولار قابىلداۋ جىلىنىڭ
25 شىلدەسىنە دەيىن كادەت كورپۋسىنا كەلەدى.
24. مەكتەپ جانە «ارىستان» مامانداندىرىلعان ليتسەيىنىڭ بىتىرۋشىلەرى قاتارىنان وقۋعا ءتۇسۋشى كادەت كورپۋسىنا وقۋعا ءتۇسۋ ءۇشىن قابىلداۋ جىلىنىڭ 1 ساۋىرىنە دەيىن ءوزىنىڭ ءبىلىم بەرۋ ۇيىمى باسشىسىنىڭ اتىنا ءوتىنىش بەرەدى.
ءبىلىم بەرۋ ۇيىمىنىڭ باسشىسى مىنالار:
قر ۇقو تۋرالى زاڭعا سايكەس ارنايى تەكسەرۋ;
اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋدان ءوتۋ;
ۇلتتىق بىرىڭعاي تەستىلەۋدى (بۇدان ءارى – ۇبت) تاپسىرۋ;
كاسىبي-پسيحولوگيالىق تەستىلەۋدى تاپسىرۋ;
دەنە دايىندىعى بويىنشا نورماتيۆتەردى تاپسىرۋ جۇمىستاردى ۇيىمداستىرادى.
ارنايى تەكسەرۋدەن وتكەن, دەنساۋلىق جاعدايى بويىنشا وقۋعا جارامدى, اتتەستاتتىڭ كەمىندە 3.5 ورتاشا بالى بار بىتىرۋشىلەر كوميسسياعا كاسىبي-پسيحولوگيالىق تەستىلەۋ مەن دەنە دايىندىعى بويىنشا نورماتيۆتەردى تاپسىرادى. ولاردى تاپسىرۋ ناتيجەلەرى قابىلداۋدىڭ ءى جانە ءىى كەزەڭدەرىنىڭ ناتيجەلەرى بولىپ تابىلادى.
قابىلداۋدىڭ ءىى كەزەڭىنەن وتكەن ءبىتىرۋشى قابىلداۋدىڭ ءىىى كەزەڭىنەن ءوتۋ ءۇشىن قابىلداۋ جىلىنىڭ 30 شىلدەسىنە دەيىن كادەت كورپۋسىنا كەلەدى.
25. ازاماتتار قاتارىنان وقۋعا ءتۇسۋشى كادەت كورپۋسىنا وقۋعا ءتۇسۋ ءۇشىن قابىلداۋ جىلىنىڭ 1 مامىرىنا دەيىن تۇرعىلىقتى جەرى بويىنشا قورعانىس ىستەرى جونىندەگى ءبولىم (باسقارما) باستىعىنىڭ اتىنا ءوتىنىش بەرەدى.
قورعانىس ىستەرى جونىندەگى ءبولىم (باسقارما) باستىعى قر ۇقو تۋرالى زاڭعا سايكەس ارنايى تەكسەرۋ جانە اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋدان ءوتۋ جونىندەگى جۇمىستى ۇيىمداستىرادى.
ارنايى تەكسەرۋدەن وتكەن, دەنساۋلىق جاعدايى بويىنشا وقۋعا جارامدى, ۇلگەرىمنىڭ كەمىندە 3.5 ورتاشا بالى بار ءبىلىمى تۋرالى قۇجاتى بار وقۋعا تۇسۋشىلەر قابىلداۋ جىلىنىڭ 20 شىلدەسىن قوسا العاندا كادەت كورپۋسىنا كەلەدى.
26. قابىلداۋ كەزەڭىندە وقۋعا تۇسۋشىلەر كادەت كورپۋسىنىڭ اۋماعىنا ورنالاستىرىلادى جانە بەيبىت ۋاقىتقا ارنالعان «قازاقستان رەسپۋبليكاسىنىڭ قارۋلى كۇشتەرىن ازىق-ت ۇلىكپەن, ازىقپەن, جابدىقپەن, اسحانالىق-اسۇيلىك ىدىسپەن جانە ازىق-ت ۇلىك قىزمەتىنىڭ تەحنيكاسىمەن جابدىقتاۋ نورمالارىن بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2015 جىلعى 18 ماۋسىمداعى № 353 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11844 بولىپ تىركەلگەن) بەيبىت ۋاقىتقا ارنالعان قازاقستان رەسپۋبليكاسىنىڭ قارۋلى كۇشتەرىن
ازىق-ت ۇلىكپەن, ازىقپەن, جابدىقپەن, اسحانالىق-اسۇيلىك ىدىسپەن جانە ازىق-ت ۇلىك قىزمەتىنىڭ تەحنيكاسىمەن جابدىقتاۋ نورمالارى (بۇدان ءارى – جابدىقتاۋ نورمالارى) بويىنشا تاماقتاندىرۋمەن قامتاماسىز ەتىلەدى.
27. كادەت كورپۋسىنا قابىلداۋ مىناداي رەتپەن جۇزەگە اسىرىلادى:
1) باستاپقى ىرىكتەۋ كەزەڭى – اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋ جانە قر ۇقو تۋرالى زاڭعا سايكەس ارنايى تەكسەرۋ جۇرگىزۋ ء(وتىنىش (بايانات) بەرۋ ورنى بويىنشا);
2) ءى كەزەڭ – قابىلداۋ جىلىنىڭ 20 – 30 شىلدەسىن قوسا العانداعى كەزەڭدە كادەت كورپۋسىندا وتكىزىلەتىن الدىن الا كاسىبي-پسيحولوگيالىق ىرىكتەۋ;
3) ءىى كەزەڭ – قابىلداۋ جىلىنىڭ 20 – 30 شىلدەسىن قوسا العانداعى كەزەڭدە دەنە دايىندىعىن تەكسەرۋ;
4) ءىىى كەزەڭ – قابىلداۋ جىلىنىڭ 1 – 10 تامىزدى قوسا العانداعى كەزەڭىندە وتكىزىلەتىن اسكەري-دارىگەرلىك ساراپتاما جۇرگىزۋ قاعيدالارىنا سايكەس تۇپكىلىكتى مەديتسينالىق كۋالاندىرۋ;
5) ءىV كەزەڭ – قابىلداۋ جىلىنىڭ 11-19 تامىزىن قوسا العانداعى كەزەڭىندە وتكىزىلەتىن تۇپكىلىكتى كاسىبي-پسيحولوگيالىق ىرىكتەۋ;
6) V كەزەڭ – قابىلداۋ جىلىنىڭ 20-21 تامىزىن قوسا العانداعى كەزەڭىندە وتكىزىلەتىن كونكۋرستىق ىرىكتەۋ جانە وقۋعا قابىلداۋ.
28. قابىلداۋدىڭ ءاربىر كەزەڭىنەن تەك ءبىر رەت وتۋگە جول بەرىلەدى. الدىڭعى كەزەڭنەن وتپەگەن وقۋعا ءتۇسۋشى كەلەسى كەزەڭگە جىبەرىلمەيدى.
29. وقۋعا تۇسۋشىلەردى الدىن الا كاسىبي-پسيحولوگيالىق ىرىكتەۋ ۋاجدەمەلىلىك, كۇيزەلىسكە توزىمدىلىك, سىنشىلدىق جانە لوگيكالىق ويلاۋ دەڭگەيىن تەكسەرۋدى قامتيدى جانە ونى قابىلداۋ كوميسسياسى كادەت كورپۋسىنىڭ تاربيە جانە يدەولوگيالىق جۇمىستار بولىمىمەن بىرلەسىپ جۇرگىزەدى. كاسىبي-پسيحولوگيالىق تەستىلەۋ ناتيجەلەرى بويىنشا ۇسىنىلماعان وقۋعا تۇسۋشىلەر كەزەڭنەن وتپەگەن بولىپ سانالادى.
30. وقۋعا تۇسۋشىلەردىڭ دەنە دايىندىعىن تەكسەرۋ مىناداي دەنە دايىندىعى بويىنشا نورماتيۆتەردى قابىلداۋدى قامتيدى:
اسكەري قىزمەتشىلەر ءۇشىن – «قازاقستان رەسپۋبليكاسىنىڭ قارۋلى كۇشتەرىندەگى دەنە دايىندىعى جونىندەگى نورماتيۆتەردى بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2014 جىلعى 5 مامىرداعى № 195 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9518 بولىپ تىركەلگەن);
ازاماتتار ءۇشىن – «جالپى ءبىلىم بەرۋ ۇيىمدارىنا ارنالعان جالپى ءبىلىم بەرەتىن پاندەردىڭ, تاڭداۋ كۋرستارىنىڭ جانە فاكۋلتاتيۆتەردىڭ ۇلگىلىك وقۋ باعدارلامالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 3 ساۋىردەگى № 115 بۇيرىعىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8424 بولىپ تىركەلگەن) جانە ونى قابىلداۋ كوميسسياسى كادەت كورپۋسىنىڭ دەنە دايىندىعى جانە سپورت جونىندەگى وقىتۋشىلارىمەن, نۇسقاۋشىلارىمەن بىرلەسىپ جۇرگىزەدى. بارلىق جاتتىعۋلار ءۇشىن باعالار سوماسى بويىنشا 9 بالدان تومەن جيناعان وقۋعا تۇسۋشىلەر كەزەڭنەن وتپەگەن بولىپ سانالادى.
31. وقۋعا تۇسىشىلەردى تۇپكىلىكتى مەديتسينالىق كۋالاندىرۋ كادەت كورپۋسىنا دەنساۋلىق جاعدايى بويىنشا وقۋعا جارامدىلىعىن ايقىنداۋدى قامتيدى جانە ونى قر قك باس اسكەري-مەديتسينالىق باسقارماسى باستىعىنىڭ بۇيرىعى نەگىزىندە قۇرىلعان مەديتسينالىق كوميسسيا جۇرگىزەدى.
32. قابىلداۋدىڭ ءۇشىنشى كەزەڭىنەن وتكەن وقۋعا تۇسۋشىلەر ەڭ جوعارى جانە ەڭ تومەن رەيتينگىلىك بالعا دەيىن قۇرىلاتىن رەيتينگىگە سايكەس ءتورتىنشى كەزەڭگە جىبەرىلەدى جانە ونى قابىلداۋ كوميسسياسى قابىلداۋ جىلىنىڭ
10 تامىزىنا دەيىن وتكىزەدى. رەيتينگىدە ءبىرىنشى نومىردەن باستاپ قابىلداۋ جوسپارىنان 5-10 %-دان اساتىن سانعا سايكەس كەلەتىن نومىرگە دەيىنگى وقۋعا تۇسۋشىلەر جىبەرىلەدى.
بعد رەيتينگىلىك بالدى ەسەپتەۋ كەستەسىن كادەت كورپۋسىنا وقۋعا قابىلداۋ جىلىنىڭ 1 تامىزىنا دەيىن جىبەرەدى.
33. وقۋعا تۇسۋشىلەردى تۇپكىلىكتى كاسىبي-پسيحولوگيالىق ىرىكتەۋ لاگەرلىك جيىننان ءوتۋدى قامتيدى جانە قابىلداۋ جىلىنىڭ 11 – 19 تامىزىن قوسا العانداعى كەزەڭدە سۇحباتتاسۋ تۇرىندە جۇرگىزىلەدى.
34. كونكۋرستىق ىرىكتەۋ قابىلداۋدىڭ ءتورتىنشى كەزەڭىن ەسكەرە وتىرىپ, رەيتينگتى تۇزەتۋدى قامتيدى جانە 20 تامىزدا جۇرگىزىلەدى.
§ 3 پاراگراف. تەحنيكالىق جانە كاسىپتىك ءبىلىمنىڭ جالپى
ءبىلىم بەرۋ باعدارلاماسىن ىسكە اسىراتىن اسكەري وقۋ ورنىنا قابىلداۋ ءتارتىبى
كادەت كورپۋسىنا رەيتينگىدە ءبىرىنشى نومىردەن باستاپ قابىلداۋ جوسپارى بويىنشا بولىنگەن ورىندار سانىنا سايكەس كەلەتىن نومىرگە دەيىن تۇرعان وقۋعا تۇسۋشىلەر قابىلدانادى.
كادەت كورپۋسى قابىلداۋ كوميسسياسىنىڭ شەشىمى وسى قاعيدالارعا 5-قوسىمشاعا سايكەس نىسان بويىنشا باقىلاۋ-وتكىزۋ پۋنكتىندە قابىلداۋ جىلىنىڭ 21 تامىزىندا ساعات 10.00-گە دەيىن ىلىنەدى.
وقۋعا قابىلداۋ تۋرالى قابىلداۋ كوميسسياسىنىڭ شەشىمى نەگىزىندە كادەت كورپۋسىنىڭ كادرلار ءبولىمى قابىلداۋ جىلىنىڭ 21 تامىزىندا كادەت كورپۋسى باستىعىنىڭ بۇيرىعىن شىعارادى.
35. كونكۋرس ناتيجەلەرى بويىنشا تەڭ كورسەتكىشتەر بولعان جاعدايدا كادەت كورپۋسىندا وقيتىنداردىڭ قۇرامىنا قابىلدانۋعا مىنالارعا:
«جاس ۇلان» رەسپۋبليكالىق مەكتەپتەرىنىڭ بىتىرۋشىلەرىنە;
اسكەري دايارلىق بويىنشا قوسىمشا باعدارلامالارمەن ءبىلىم بەرۋ ۇيىمدارىنىڭ تاربيەلەنۋشىلەرىنە;
اسكەري قىزمەت وتكەرۋ ۋاقىتىندا قازا تاپقان, حابار-وشارسىز كەتكەن نەمەسە اسكەري قىزمەتىن وتكەرۋ كەزەڭىندە مۇگەدەكتىك العان اسكەري قىزمەتشىلەردىڭ بالالارىنا باسىم قۇقىق بەرىلەدى.
36. كادەت كورپۋسىنا وقۋعا قابىلدانعان, قابىلداۋ كۇنىنە 18 جاسقا تولماعان وقۋعا ءتۇسۋشى جانە ونىڭ اتا-انالارى (قامقورشىلارى, زاڭدى وكىلدەرى) «ءبىلىم بەرۋ تۋرالى» قازاقستان رەسپۋبليكاسىنىڭ زاڭى
5-بابىنىڭ 24) تارماقشاسىنا سايكەس كادەت كورپۋسىنىڭ باستىعىمەن ءبىلىم بەرۋ قىزمەتىن كورسەتۋ شارتىن (بۇدان ءارى – ءبىلىم بەرۋ قىزمەتىن كورسەتۋ شارتى) جاساسادى.
37. كادەت كورپۋسىنا وقۋعا قابىلدانعان, قابىلداۋ كۇنى 18 جاسقا تولعان وقۋعا ءتۇسۋشى «قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري قىزمەت وتكەرۋ قاعيدالارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى № 124 جارلىعىن ىسكە اسىرۋ جونىندەگى شارالار تۋرالى» قازاقستان رەسپۋبليكاسى ۇكىمەتىنىڭ 2006 جىلعى 17 تامىزداعى № 777 قاۋلىسىمەن بەكىتىلگەن نىسان بويىنشا كادەت كورپۋسىنىڭ باستىعىمەن اسكەري قىزمەت وتكەرۋ تۋرالى كەلىسىمشارت (بۇدان ءارى – اسكەري قىزمەت وتكەرۋ تۋرالى كەلىسىمشارت) جاساسادى.
38. قابىلداۋ جىلىنىڭ 1 ماۋسىمىنا دەيىن كادەت كورپۋسىنىڭ باستىعى, قر قك تۇرلەرىنىڭ باس قولباسشىلارى, قر قك باس شتابى سەرجانتتار قۇرامىمەن جۇمىس جونىندەگى باسقارماسىنىڭ باستىعى, قر قم سپورت كوميتەتىنىڭ توراعاسى – ارميا ورتالىق سپورت كلۋبىنىڭ باستىعى بعد-عا وقۋعا قابىلداۋ جىلىنىڭ 1 شىلدەسىنە دەيىن بەكىتىلەتىن قابىلداۋ كوميسسياسىنىڭ قۇرامىن بەكىتۋ تۋرالى قازاقستان رەسپۋبليكاسى قورعانىس ءمينيسترى بۇيرىعىنىڭ جوباسىنا ەنگىزۋ ءۇشىن وكىلدەر جونىندەگى مالىمەتتەردى ۇسىنادى.
39 كادەت كورپۋسىنىڭ باستىعى قابىلداۋ كوميسسياسىنىڭ توراعاسى, كادەت كورپۋسى باستىعىنىڭ وقۋ جۇمىسى جونىندەگى ورىنباسارى توراعانىڭ ورىنباسارى بولىپ تابىلادى.
40. قابىلداۋ كوميسسياسىنىڭ قۇرامى مۇشەلەردىڭ تاق سانىنان تۇرادى. شەشىم قابىلداۋ كوميسسياسى مۇشەلەرى جالپى سانىنىڭ قاراپايىم كوپشىلىك داۋىس بەرۋىمەن قابىلدانادى.
داۋىستار تەڭ بولعان جاعدايدا قابىلداۋ كوميسسياسى توراعاسىنىڭ داۋىسى شەشۋشى بولىپ تابىلادى.
41. قابىلداۋ كوميسسياسىنىڭ وتىرىستارى قابىلداۋ كوميسسياسى توراعاسى بەكىتەتىن جۇمىس جوسپارىنا سايكەس جۇرگىزىلەدى جانە حاتتامالارمەن رەسىمدەلەدى.
42. قابىلداۋ كەزەڭىنەن ءوتۋ ناتيجەسىمەن كەلىسپەگەن وقۋعا ءتۇسۋشى سول كۇنى قابىلداۋ كوميسسياسىنىڭ توراعاسىنا جازباشا ءوتىنىش جازادى.
43. حاتتامامەن رەسىمدەلگەن ءوتىنىش ءمانى جونىندەگى قابىلداۋ كوميسسياسىنىڭ شەشىمى ءوتىنىش تۇسكەن كۇننەن باستاپ 1 كۇنتىزبەلىك كۇن ىشىندە شىعارىلادى.
44. وقۋعا قابىلداۋ نەمەسە قابىلداۋدان باس تارتۋ تۋرالى قابىلداۋ كوميسسياسىنىڭ شەشىمى وقۋعا قابىلداۋ جىلىنىڭ 25 تامىزىنا دەيىن وقۋعا تۇسكەندەردىڭ ساۋالنامالىق دەرەكتەرىن كورسەتە وتىرىپ بعد-عا ۇسىنىلادى.
45. كادەت كورپۋسىنىڭ كادرلار ورگانى 10 جۇمىس كۇنى ىشىندە قورعانىس ىستەرى جونىندەگى دەپارتامەنتتەر مەن اسكەري بولىمدەرگە وقۋعا قابىلداۋ تۋرالى بۇيرىقتان ءۇزىندى كوشىرمەلەر جىبەرەدى.
3. جوعارى ءبىلىمنىڭ وقۋ باعدارلامالارىن ىسكە اسىراتىن
اسكەري وقۋ ورىندارىنا قابىلداۋ ءتارتىبى
§ 1 پاراگراف. جوعارعى ءبىلىمنىڭ وقۋ باعدارلامالارىن ىسكە اسىراتىن
اسكەري وقۋ ورىندارىنا وقۋعا كانديداتتاردى ىرىكتەۋ ءتارتىبى
46. جوعارى ءبىلىمنىڭ وقۋ باعدارلامالارىن ىسكە اسىراتىن قر قم-عا ۆەدومستۆولىق باعىنىستى اسكەري وقۋ ورىندارىنا (بۇدان ءارى – ءجاوو) «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 39-بابىنا سايكەس ازاماتتار وقۋعا تۇسەدى.
47. وقۋعا تۇسۋشىلەر قابىلداۋ كوميسسياسىنا وسى قاعيدالارعا 4-قوسىمشاعا سايكەس ءجاوو-عا وقۋعا ءتۇسۋ ءۇشىن قۇجاتتار تىزبەسىن ۇسىنادى.
قابىلداۋ كوميسسياسىنا قۇجاتتاردىڭ تولىق تىزبەسىن ۇسىنباعان وقۋعا تۇسۋشىلەر قابىلداۋعا جىبەرىلمەيدى.
48. جەتىم بالالار جانە ولاردىڭ اتا-انا قۇقىقتارىنىڭ شەكتەلۋىنە نەمەسە ودان ايىرىلۋىنا, اتا-انالارىنىڭ حابارسىز كەتتى دەپ تانىلۋىنا, ولاردىڭ قايتىس بولدى دەپ جاريالانۋىنا, ەڭبەككە جارامسىز (شەكتەۋلى ەڭبەككە جارامدى) دەپ تانىلۋىنا, اتا-اناسىنىڭ باس بوستاندىعىنان ايىرۋ ورىندارىندا جازاسىن وتەۋىنە, اتا-اناسىنىڭ بالانى تاربيەلەۋدەن نەمەسە ونىڭ قۇقىقتارى مەن مۇددەلەرىن قورعاۋدان باس تارتۋىنا, ونىڭ ىشىندە
اتا-اناسىنىڭ ءوز بالاسىن تاربيەلەۋ نەمەسە ەمدەۋ مەكەمەلەرىنەن الۋدان باس تارتقانىنا بايلانىستى اتا-اناسىنىڭ بىرەۋىنىڭ نەمەسە ەكەۋىنىڭ دە قامقورلىعىنسىز قالعان بالالار, سونداي-اق اتا-انا قامقورلىعىنىڭ بولماۋىنىڭ وزگە دە جاعدايلارىندا قوسىمشا وسى قاعيدالارعا 2-قوسىمشاعا سايكەس اتا-انا قامقورلىعىنىڭ بولماۋى دايەگىن راستايتىن كۇجاتتاردىڭ ءبىرىنىڭ تۇپنۇسقاسىن جانە ونىڭ كوشىرمەسىن ۇسىنادى.
49. اسكەري قىزمەتشىلەردىڭ بالالارى قوسىمشا اتا-اناسىنىڭ اسكەري قىزمەتشى رەتىندەگى مارتەبەسىن راستايتىن كۇجاتتاردىڭ ءبىرىن وسى قاعيدالارعا 3-قوسىمشاعا سايكەس ۇسىنادى.
§ 2 پاراگراف. جوعارى ءبىلىمنىڭ وقۋ باعدارلامالارىن ىسكە اسىراتىن
اسكەري وقۋ ورىندارىنا قابىلداۋ ءۇشىن قۇجاتتاردى ۇسىنۋ ءتارتىبى
50. اسكەري قىزمەتشىلەر قاتارىنان وقۋعا ءتۇسۋشى ءجاوو-عا وقۋعا ءتۇسۋ ءۇشىن قابىلداۋ جىلىنىڭ 1 ماۋسىمىنا دەيىن اسكەري ءبولىمنىڭ كومانديرى اتىنا وعان قابىلداۋ جىلىنىڭ 1 شىلدەسىنەن باستاپ وقۋ دەمالىسىن بەرۋ تۋرالى بايانات جازادى.
اسكەري ءبولىمنىڭ كومانديرى قر ۇقو تۋرالى زاڭعا سايكەس ارنايى تەكسەرۋ جانە اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋدان ءوتۋ جونىندەگى جۇمىستى ۇيىمداستىرادى.
ارنايى تەكسەرۋدەن وتكەن جانە وقۋعا جارامدىلىعى تۋرالى مەديتسينالىق قورىتىندى العان جاعدايدا وقۋعا تۇسۋشىگە قىزمەت ورنى بويىنشا ۇبت قابىلداۋ پۋنكتىندە تالاپكەرلەردى كەشەندى تەستىلەۋدى (بۇدان ءارى – تكت) تاپسىرۋ ءۇشىن وقۋ دەمالىسى بەرىلەدى.
ۇبت-نىڭ ءتورت ءپانى بويىنشا كەمىندە 50 بالل (ماتەماتيكادان كەمىندە 10 بالل) جيناعان وقۋعا تۇسۋشىلەر قابىلداۋ جىلىنىڭ 26 شىلدەسىنە دەيىن ءجاوو-عا كەلەدى, ءجاوو-نىڭ اۋماعىنا ورنالاستىرىلادى جانە جابدىقتاۋ نورمالارى بويىنشا تاماقتاندىرۋمەن قامتاماسىز ەتىلەدى.
51. مەكتەپتىڭ جانە «ارىستان» مامانداندىرىلعان ليتسەيىنىڭ بىتىرۋشىلەرى قاتارىنان وقۋعا ءتۇسۋشى ءجاوو-عا وقۋعا ءتۇسۋ ءۇشىن قابىلداۋ جىلىنىڭ 1 ساۋىرىنە دەيىن ءوزىنىڭ ءبىلىم بەرۋ ۇيىمىنىڭ باسشىسى اتىنا ءوتىنىش جازادى.
ءبىلىم بەرۋ ۇيىمىنىڭ باسشىسى:
قر ۇقو تۋرالى زاڭعا سايكەس ارنايى تەكسەرۋ;
اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋ جۇرگىزۋ;
ۇبت تاپسىرۋ;
كاسىبي-پسيحولوگيالىق تەستىلەۋدى تاپسىرۋ;
دەنە دايىندىعى نورماتيۆتەرىن تاپسىرۋ جونىندەگى جۇمىستى ۇيىمداستىرادى.
ارنايى تەكسەرۋدەن وتكەن جانە دەنساۋلىق جاعدايى بويىنشا وقۋعا جارامدى, ۇبت-دا كەمىندە 50 بالل (ماتەماتيكادان كەمىندە 10 بالل) جيناعان, كاسىبي-پسيحولوگيالىق تەستىلەۋدى جانە قازاقستان رەسپۋبليكاسى قوعانىس ءمينيسترىنىڭ بۇيرىعىمەن قۇرىلعان كوميسسيانىڭ دەنە دايىندىعى بويىنشا نورماتيۆتەردى تاپسىرعان بىتىرۋشىلەر قابىلداۋ جىلىنىڭ 30 شىلدەسىنە دەيىن وقۋعا قابىلداۋدىڭ ءىىى كەزەڭىنەن ءوتۋ ءۇشىن ءجاوو-عا كەلەدى.
كاسىبي-پسيحولوگيالىق تەستىلەۋ مەن دەنە دايىندىعى بويىنشا نورماتيۆتەردى تاپسىرۋ ناتيجەلەرى ءى جانە ءىى قابىلداۋ كەزەڭىنىڭ ناتيجەلەرى بولىپ تابىلادى
52. ازاماتتار قاتارىنان وقۋعا ءتۇسۋشى ءجاوو-عا وقۋعا ءتۇسۋ ءۇشىن قابىلداۋ جىلىنىڭ 1 مامىرىنا دەيىن تۇرعىلىقتى جەرى بويىنشا قورعانىس ىستەرى جونىندەگى ءبولىم (باسقارما) باستىعىنىڭ اتىنا ءوتىنىش بەرەدى.
قورعانىس ىستەرى جونىندەگى ءبولىم (باسقارما) باستىعى قر ۇقو تۋرالى زاڭعا سايكەس ارنايى تەكسەرۋ جانە اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋدان ءوتۋ جونىندەگى جۇمىستى ۇيىمداستىرادى.
ارنايى تەكسەرۋدەن وتكەن, دەنساۋلىق جاعدايى بويىنشا وقۋعا جارامدى, ۇبت-دا ءتورت ءپان بويىنشا كەمىندە 50 بالل (ماتەماتيكادان كەمىندە 10 بالل) جيناعان وقۋعا تۇسۋشىلەر قابىلداۋ جىلىنىڭ 20 – 23 شىلدەسىن قوسا العانداعى كەزەڭىندە ءجاوو-عا كەلەدى.
ارنايى تەكسەرۋدەن وتكەن, دەنساۋلىق جاعدايى بويىنشا وقۋعا جارامدى, تكت-دا ءتورت ءپان بويىنشا كەمىندە 50 بالل (ماتەماتيكادان كەمىندە 10 بالل) جيناعان وقۋعا تۇسۋشىلەر قابىلداۋ جىلىنىڭ 20 – 26 شىلدەسىن قوسا العانداعى كەزەڭىندە ءجاوو-عا كەلەدى.
53. وقۋعا تۇسۋشىلەر ءجاوو-نىڭ اۋماعىنا ورنالاستىرىلادى جانە قابىلداۋدىڭ ءۇشىنشى كەزەڭىنەن باستاپ جابدىقتاۋ نورمالارى بويىنشا تاماقتاندىرۋمەن قامتاماسىز ەتىلەدى.
54. ءجاوو-عا قابىلداۋ مىناداي تارتىپپەن جۇزەگە اسىرىلادى:
1) باستاپقى ىرىكتەۋ كەزەڭى – اسكەري-دارىگەرلىك ساراپتاما جۇرگىزۋ قاعيدالارىنا سايكەس الدىن الا مەديتسينالىق كۋالاندىرۋ جانە قر ۇقو تۋرالى زاڭعا سايكەس ارنايى تەكسەرۋ جۇرگىزۋ ء(وتىنىش (بايانات) بەرۋ ورنى بويىنشا);
2) ءى كەزەڭ – قابىلداۋ جىلىنىڭ 20 – 30 شىلدەسىن قوسا العانداعى كەزەڭىندە ءجاوو-دا وتكىزىلەتىن الدىن الا كاسىبي-پسيحولوگيالىق ىرىكتەۋ;
3) ءىى كەزەڭ – قابىلداۋ جىلىنىڭ 20 – 30 شىلدەسىن قوسا العانداعى كەزەڭىندە وتكىزىلەتىن دەنە دايىندىعىن تەكسەرۋ;
4) ءىىى كەزەڭ – قابىلداۋ جىلىنىڭ 1 – 10 تامىزىن قوسا العانداعى كەزەڭىندە اسكەري-دارىگەرلىك ساراپتاما جۇرگىزۋ قاعيدالارىنا سايكەس تۇپكىلىكتى مەديتسينالىق كۋالاندىرۋ;
5) ءىV كەزەڭ – قابىلداۋ جىلىنىڭ 11 – 19 تامىزىن قوسا العانداعى كەزەڭىندە وتكىزىلەتىن تۇپكىلىكتى كاسىبي-پسيحولوگيالىق ىرىكتەۋ;
6) V كەزەڭ – قابىلداۋ جىلىنىڭ 20 – 21 تامىزىن قوسا العانداعى كەزەڭىندە وتكىزىلەتىن كونكۋرستىق ىرىكتەۋ جانە وقۋعا قابىلداۋ.
55. قابىلداۋدىڭ ءاربىر كەزەڭىنەن تەك ءبىر رەت وتۋگە جول بەرىلەدى. الدىڭعى كەزەڭنەن وتپەگەن وقۋعا ءتۇسۋشى كەلەسى كەزەڭگە جىبەرىلمەيدى.
56. وقۋعا تۇسۋشىلەردىڭ كاسىبي-پسيحولوگيالىق ىرىكتەۋ ۋاجدەمەلىلىك, كۇيزەلىسكە توزىمدىلىك, سىنشىلدىق جانە لوگيكالىق ويلاۋ دەڭگەيىن تەكسەرۋدى قامتيدى جانە ونى قابىلداۋ كوميسسياسى ءجاوو-نىڭ تاربيە جانە يدەولوگيالىق جۇمىستار بولىمىمەن بىرلەسىپ جۇرگىزىلەدى. الدىن الا كاسىبي-پسيحولوگيالىق تەستىلەۋ ناتيجەلەرى بويىنشا ۇسىنىلماعان وقۋعا تۇسۋشىلەر كەزەڭنەن وتپەگەن بولىپ سانالادى.
57. وقۋعا تۇسۋشىلەردىڭ دەنە دايىندىعى تەكسەرۋ دەنە دايىندىعى بويىنشا نورماتيۆتەردى قابىلداۋدى مىنالاردى قامتيدى:
اسكەري قىزمەتشىلەر ءۇشىن – «قازاقستان رەسپۋبليكاسىنىڭ قارۋلى كۇشتەرىندەگى دەنە دايىندىعى بويىنشا نورماتيۆتەردى بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2014 جىلعى 5 مامىرداعى № 195 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9518 بولىپ تىركەلگەن);
ازاماتتار ءۇشىن – قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 3 ساۋىردەگى № 115 بۇيرىعىمەن بەكىتىلگەن جالپى ءبىلىم بەرۋ ۇيىمدارىنا ارنالعان جالپى ءبىلىم بەرەتىن پاندەردىڭ, تاڭداۋ كۋرستارىنىڭ جانە فاكۋلتاتيۆتەردىڭ ۇلگىلىك وقۋ باعدارلامالارىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8424 بولىپ تىركەلگەن).
58. وقۋعا تۇسىشىلەردى تۇپكىلىكتى مەديتسينالىق كۋالاندىرۋ دەنساۋلىق جاعدايى بويىنشا ءجاوو-دا وقۋعا جارامدىلىعىن ايقىنداۋدى قامتيدى جانە ونى قر قك باس اسكەري-مەديتسينالىق باسقارماسى باستىعىنىڭ بۇيرىعى نەگىزىندە قۇرىلعان مەديتسينالىق كوميسسيا جۇرگىزەدى.
59. قابىلداۋدىڭ ءۇشىنشى كەزەڭىنەن وتكەن وقۋعا تۇسۋشىلەر ەڭ جوعارى جانە ەڭ تومەن رەيتينگىلىك بالعا دەيىن قۇرىلاتىن رەيتينگىگە سايكەس ءتورتىنشى كەزەڭگە جىبەرىلەدى جانە ونى قابىلداۋ كوميسسياسى قابىلداۋ جىلىنىڭ
10 تامىزىنا دەيىن وتكىزەدى. رەيتينگىدە ءبىرىنشى نومىردەن باستاپ قابىلداۋ جوسپارىنان 5-10 %-دان اساتىن سانعا سايكەس كەلەتىن نومىرگە دەيىنگى وقۋعا تۇسۋشىلەر جىبەرىلەدى.
بعد رەيتينگىلىك بالدى ەسەپتەۋ كەستەسىن ءجاوو-عا وقۋعا قابىلداۋ جىلىنىڭ 1 تامىزىنا دەيىن جىبەرەدى.
60. وقۋعا تۇسۋشىلەردى تۇپكىلىكتى كاسىبي-پسيحولوگيالىق ىرىكتەۋ لاگەرلىك جيىننان ءوتۋدى قامتيدى جانە قابىلداۋ جىلىنىڭ 11 – 19 تامىزىن قوسا العانداعى كەزەڭدە سۇحباتتاسۋ تۇرىندە جۇرگىزىلەدى.
61. كونكۋرستىق ىرىكتەۋ قابىلداۋدىڭ ءتورتىنشى كەزەڭىن ەسكەرە وتىرىپ, رەيتينگىنى تۇزەتۋدى قامتيدى جانە وقۋعا قابىلداۋ جىلىنىڭ 20 تامىزىندا جۇرگىزىلەدى.
§ 3 پاراگراف. جوعارى ءبىلىمنىڭ وقۋ باعدارلامالارىن ىسكە اسىراتىن
اسكەري وقۋ ورنىنا قابىلداۋ ءتارتىبى
ءجاوو-عا رەيتينگىدە ءبىرىنشى نومىردەن باستاپ قابىلداۋ جوسپارى بويىنشا بولىنگەن ورىندار سانىنا سايكەس كەلەتىن نومىرگە دەيىن تۇرعان وقۋعا تۇسۋشىلەر قابىلدانادى.
قابىلداۋ كوميسسياسىنىڭ شەشىمى وقۋعا قابىلداۋ جىلىنىڭ 21 تامىزىندا ساعات 10.00-گە دەيىن ءجاوو-نىڭ باقىلاۋ-وتكىزۋ پۋنكتىندە ىلىنەدى.
وقۋعا قابىلداۋ تۋرالى قابىلداۋ كوميسسياسىنىڭ شەشىمى نەگىزىندە ءجاوو-نىڭ كادرلار ءبولىمى وقۋعا قابىلداۋ جىلىنىڭ 21 تامىزىندا ءجاوو باستىعىنىڭ بۇيرىعىن شىعارادى.
62. ءجاوو-نىڭ وقۋعا تۇسۋشىلەر قۇرامىنا قابىلداۋعا كونكۋرس وتكىزۋ كەزىندە بىردەي كورسەتكىشتەر بولعان جاعدايدا مىنالاردىڭ:
«جاس ۇلان» مەكتەپتەرى بىتىرۋشىلەرىنىڭ;
اسكەري دايارلىق بويىنشا قوسىمشا باعدارلامالارمەن ءبىلىم بەرۋ ۇيىمدارى تاربيەلەنۋشىلەرىنىڭ;
اسكەري قىزمەت وتكەرۋ ۋاقىتىندا قازا بولعان, حابار-وشارسىز كەتكەن نەمەسە اسكەري قىزمەت وتكەرۋ كەزەڭىندە مۇگەدەكتىك العان اسكەري قىزمەتشىلەر بالالارىنىڭ باسىم قۇقىقتارى بار.
63. ءجاوو-عا وقۋعا قابىلدانعان, قابىلداۋ كۇنى 18 جاسقا تولماعان وقۋعا ءتۇسۋشى جانە ونىڭ اتا-اناسى (ولاردىڭ ورنىنداعى ادامدار) ءجاوو-نىڭ باستىعىمەن ءبىلىم بەرۋ قىزمەتتەرىن كورسەتۋ شارتىن جاساسادى.
64. ءجاوو-عا وقۋعا قابىلدانعان, قابىلداۋ كۇنى 18 جاسقا تولعان وقۋعا ءتۇسۋشى ءجاوو-نىڭ باستىعىمەن اسكەري قىزمەت وتكەرۋ تۋرالى كەلىسىمشارت جاساسادى.
65. قابىلداۋ جىلىنىڭ 1 ماۋسىمىنا دەيىن ءجاوو-نىڭ باستىعى, قر قك تۇرلەرىنىڭ باس قولباسشىلارى, قر قم كادرلار دەپارتامەنتىنىڭ باستىعى, قر قم سپورت كوميتەتىنىڭ توراعاسى – ارميا ورتالىق سپورت كلۋبىنىڭ باستىعى بعد-عا وقۋعا قابىلداۋ جىلىنىڭ 1 شىلدەسىنە دەيىن بەكىتىلەتىن قابىلداۋ كوميسسياسىنىڭ قۇرامىن بەكىتۋ تۋرالى قورعانىس ءمينيسترى بۇيرىعىنىڭ جوباسىنا ەنگىزۋ ءۇشىن وكىلدەر جونىندەگى مالىمەتتەردى ۇسىنادى.
66. ءجاوو-نىڭ باستىعى قابىلداۋ كوميسسياسىنىڭ توراعاسى, ءجاوو باستىعىنىڭ وقۋ جانە عىلىمي جۇمىستار جونىندەگى ورىنباسارى توراعانىڭ ورىنباسارى بولىپ تابىلادى.
67. قابىلداۋ كوميسسياسىنىڭ قۇرامى مۇشەلەردىڭ تاق سانىنان تۇرادى. شەشىم قابىلداۋ كوميسسياسى مۇشەلەرىنىڭ جالپى سانىنىڭ قاراپايىم كوپشىلىك داۋىس بەرۋىمەن قابىلدانادى.
تەڭ داۋىس بولعان جاعدايدا كوميسسيا توراعاسىنىڭ داۋىسى شەشۋشى بولىپ تابىلادى.
68. قابىلداۋ كوميسسياسىنىڭ وتىرىستارى قابىلداۋ كوميسسياسى توراعاسى بەكىتەتىن جۇمىس جوسپارىنا سايكەس جۇرگىزىلەدى جانە حاتتامالارمەن رەسىمدەلەدى.
69. قابىلداۋ كەزەڭىنەن ءوتۋ ناتيجەسىمەن كەلىسپەگەن وقۋعا ءتۇسۋشى سول كۇنى قابىلداۋ كوميسسياسىنىڭ توراعاسىنا جازباشا ءوتىنىش جازادى.
حاتتامامەن رەسىمدەلگەن ءوتىنىش ءمانى جونىندەگى قابىلداۋ كوميسسياسىنىڭ شەشىمى ءوتىنىش كەلىپ تۇسكەن كۇننەن باستاپ 1 كۇنتىزبەلىك كۇن ىشىندە شىعارىلادى.
70. وقۋعا قابىلداۋ نەمەسە قابىلداۋدان باس تارتۋ تۋرالى قابىلداۋ كوميسسياسىنىڭ شەشىمى وقۋعا قابىلداۋ جىلىنىڭ 25 تامىزىنا دەيىن وقۋعا تۇسكەندەردىڭ ساۋالنامالىق مالىمەتتەرىن كورسەتە وتىرىپ بعد-عا ۇسىنىلادى.
71. ءجاوو-نىڭ كادرلار ورگانى 10 جۇمىس كۇنى ىشىندە قورعانىس ىستەرى جونىندەگى دەپارتامەنتتەر مەن اسكەري بولىمدەرگە وقۋعا قابىلداۋ تۋرالى بۇيرىقتاردان ءۇزىندى كوشىرمەلەر جىبەرەدى.
4. جوعارى وقۋ ورنىنان كەيىنگى ءبىلىمنىڭ وقۋ باعدارلامالارىن
ىسكە اسىراتىن اسكەري وقۋ ورىندارىنا قابىلداۋ ءتارتىبى
§ 1 پاراگراف. جوعارى وقۋ ورنىنان كەيىنگى ءبىلىمنىڭ وقۋ باعدارلامالارىن ىسكە اسىراتىن
اسكەري وقۋ ورىندارىنا كانديداتتاردى وقۋعا ىرىكتەۋ ءتارتىبى
72. جوعارى وقۋ ورنىنان كەيىنگى ءبىلىمنىڭ وقۋ باعدارلامالارىن ىسكە اسىراتىن قر قم-عا ۆەدومستۆولىق باعىنىستى اسكەري وقۋ ورىندارى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنە (بۇدان ءارى – ۇلتتىق قورعانىس ۋنيۆەرسيتەتى) ءتيىستى ءبىلىم دەڭگەيى بار وفيتسەرلەر وقۋعا تۇسەدى.
ۇلتتىق قورعانىس ۋنيۆەرسيتەتىنىڭ ماگيستراتۋراسىندا جانە دوكتورانتۋراسىندا وقىتۋ كۇندىزگى وقۋ تۇرىندە, ونىڭ ىشىندە قاشىقتان ءبىلىم بەرۋ تەحنولوگيالارىن پايدالانا وتىرىپ, مىناداي باسقارۋ دەڭگەيلەرى بويىنشا جۇزەگە اسىرىلادى:
1) جەدەل-تاكتيكالىق باسقارۋ دەڭگەيى;
2) جەدەل-ستراتەگيالىق باسقارۋ دەڭگەيى;
3) ستراتەگيالىق باسقارۋ دەڭگەيى.
قاشىقتان ءبىلىم بەرۋ تەحنولوگيالارى تەك عىلىمي جانە پەداگوگيكالىق ماگيستراتۋرا مەن دوكتورانتۋرادا ىسكە اسىرىلادى.
73. وقۋعا قابىلداۋ وقۋ جىلىنىڭ 15 اقپانىنا دەيىن بعد ازىرلەيتىن قابىلداۋ جوسپارىنا سايكەس جۇرگىزىلەدى.
74. قر قم, قر قك باس شتابى قۇرىلىمدىق بولىمشەلەرىنىڭ, باس باسقارمالارىنىڭ, قازاقستان رەسپۋبليكاسىنىڭ باسقا دا اسكەرلەرى مەن اسكەري قۇرالىمدارىنىڭ باستىقتارى, قر قك تۇرلەرىنىڭ باس قولباسشىلارى, وڭىرلىك قولباسشىلىقتار اسكەرلەرىنىڭ (اسكەر تەكتەرىنىڭ) قولباسشىلارى, اسكەري بولىمدەردىڭ (مەكەمەلەردىڭ) كومانديرلەرى اسكەري كەڭەستەردىڭ (اتتەستاتتاۋ كوميسسيالارىنىڭ) وتىرىستارىندا كانديداتتاردى قارايدى جانە ىرىكتەلگەن كانديداتتاردىڭ تىزىمدەرىن قر قم كادرلار دەپارتامەنتىنە وقۋعا قابىلداۋ جىلىنىڭ 15 ساۋىرىنەن كەشىكتىرمەي جولدايدى.
75. ۇلتتىق قورعانىس ۋنيۆەرسيتەتىندە وقۋ ءۇشىن وقۋ تۇسۋشىلەردى الدىن الا ىرىكتەۋ قابىلداۋ جوسپارى نەگىزىندە قر قم كادرلار دەپارتامەنتى (ۇلتتىق قورعانىس ۋنيۆەرسيتەتىنىڭ ارنايى دايارلىق فاكۋلتەتى – 14776 اسكەري ءبولىمى) جۇرگىزەدى.
76. ۇلتتىق قورعانىس ۋنيۆەرسيتەتىندە وقۋ ءۇشىن الدىن الا ىرىكتەلگەن وقۋعا تۇسۋشىلەردىڭ ءتىزىمى وقۋعا ءتۇسۋ جىلىنىڭ 1 ماۋسىمىنان كەشىكتىرىلمەي بعد-عا جولدانادى.
§ 2 پاراگراف. جوعارى وقۋ ورنىنان كەيىنگى ءبىلىمنىڭ وقۋ باعدارلامالارىن ىسكە اسىراتىن
اسكەري وقۋ ورىندارىنا قابىلداۋ ءۇشىن قۇجاتتاردى ۇسىنۋ ءتارتىبى
77. جەدەل-تاكتيكالىق باسقارۋ دەڭگەيى بويىنشا بەيىندىك ماگيستراتۋراعا وقۋعا تۇسۋشىلەرگە مىناداي:
جوعارى ءبىلىمىنىڭ بولۋى;
باتالون كومانديرىنىڭ ورىنباسارى جانە وعان تەڭ جانە جوعارى اسكەري (مەملەكەتتىك) قىزمەتتەگى ەڭبەك ءوتىلى كەمىندە 2 جىل بولۋى تالاپتارى قويىلادى.
78. ستراتەگيالىق جانە جەدەل-ستراتەگيالىق باسقارۋ دەڭگەيى بويىنشا بەيىندىك ماگيستراتۋراعا تۇسۋشىلەرگە مىناداي:
جوعارى وقۋ و